Am Samschtig am 28. Merze hän sich totaal 18!!!! Rhenaninne und Rhenane (drunter au drei neui aktivi Passivmitglieder) am Nüüni demorge bim Depot zum Yywassere vo de Weidlig droffe. Nach eme Kaffi und Gipfeli (merci Gilles) isch s loosgange. Alli hänn greftig aapaggt und scho glii sin die erschte Schiff im Wasser gsii. Mer sin esoo schnäll gsii, dass es sogaar no glängt het, d Garderobe gründlig z butze (mai, hänn s die nöötig gha!!) und der Weidlig, wo im Winter im Bach gsii isch, au no abzschprütze. Am halber Zwölfi sinn mer denn fertig gsii, was d Kuchifrauschaft (Monika und Nicole) mit em Gilles synere Unterschtützig veraalosst het, noo n e Zagge zu z leege. Mit eme hervooraagende Midaagässe (ooni Titel, aaber irgendwie asiatisch) und eme gmietlige Schwätz hänn mer denn dä Arbetsdaag beschlosse.

I dangg doo ganz härzlig alnne, woo mitgmacht hänn, es isch der absoluti Hammer gsii. 

Fredy